Hidda-raac Axmednuur Cabdilahi Xuseen (Nuur)

Hidda-raac

Axmednuur Cabdilahi Xuseen (Nuur)

Waa mansadii koowaad  ee uu ku soo  galo silsiladda isagoo war doona. 

Hawraarta maansada

 Iyo Hoga tusaalaha

Hal abuurka tiriyoow

Salaan aan ku ladhay hibo

Oon duca ka haqab tiray

Hiif iyo dagaal iyo

Halgaadna⁸⁶ ay ka dheeratahy 

Hooya oo gudoonsada

Marka xiga hilqaadlow

Hal abuurku waa deeq

Hoodo weeye aadmiga

Rabi hibo u siiyo

Lagu kala horeeyo

Ninba wuxu higaadshaa

Ama heenso saara

Ama uu hadhuubkiyo

Haamaha ka buuxshaa

Dadka ka haqab beelshaa

Inta ay hankiisiyo

Hoodadissu joogto

Hayntu kuuma goysee

Hadalkeeda da taas

Afartaasi hawraar

Iyo hadaladaydii

Midkalena halweeye

Aan hoos u daadago

Maansad ha laga wado

Hal abuurka curiyee

Cali gari horgalayoow

Hal aan idin suaale

Sheekadu ha weeyo

Helay faaladeede

Hilinkeedu waa kee?

Horta yay u tahay hiil?

Ma cid gaar ah bay hayb

Iyo hilib wadaagaan

Ooy u hilaadisaa naqa⁸⁷?

Mise hoga tusaaliyo

Hasaawe weeyaan

Hal xidhaale lagu ladhay

Ma sirbaa hadoodilan

Oo suul dhabaale waa hadal

Sanqashadu la hayb tahay

Mise waanan haynino

Hilinkaan ka weecdee

Ruuxba waa halkuumaro

Iyo haadka uu rabo

Afartaasi hawraar

Iyo hadaladaydii

Halkalena wuxu yahay

Horta guud haldhaaleey

Waa heego muuq dheer

Qurux waa ka hodanoo

Waa dhabeel⁸⁸ hubqaad wacanoo

Halka ay ku dhalata

Hoy dhaqan ahaydoo

Ma taqaan habeen dhaxa

Hooyadeedna waa hufan

Waa la hida raaco

Horwayna geela iyo faras

Iyo halawle maadhiin

Ayuu aabaheed helayo

Haynta kalena waa buux

Afartaasi hawraar

Iyo hadaladaydii

Halkalena wuxu yahay

Doobabkiinan heese

Cali gari hormuud yahay

Ubaxlena hal adagyahay

Hilqadliyo aftahan iyo

Khaliijna ay horeeyaan

Hal abuuro tiro badan

Hayhaato kuwa jira

Iyaguna ku haystaan

Horta aan is baranee

Hide yaad wadaagtaan?

Hub maxaad ka haysaan

Hayn maxaad ka leediin

Ood huri karaysaan?

Hindisihiinu waa maxay?

Ma habeeno dhawroo

Hawl aad ku bogataan

Iyo sheeko haaheey

Oo hargo madhan baa la tumayaa

Mise hawshu durugtee

Kii abwaan ka heese

Cilmi hog ugu siibtee

Laylana haligaybaa

Dabin idinla helayoo

Arinkiinu waa halis

Afartaasi hawraar

Iyo hadaladaydii

Halkalena wuxuu yahy

Maansadayda hiddaraac

Waan haadiyoo hufay

Cidna kuma handadyoo

Kama dhigin habaar iyo

Hadal nabar damqaayo

Boogah hulaaqee

Hilinkeedu waa toos

Halka ugu danbaysana

Sheekada kamaan hadhin

Mana gabin halkaygii

Mana dhigin hubkaygii

Markalaanse hoga tusa

Hog kaleeto aan dagi

Haddaan mawdku iga helin

Hasaawuhu inoo furan