Axmednuur C/laahi Xuseen
Waa maansadiisi
labaad ee aan ku leeyahay silsiladda waxaanay si guud ula hadlaysa rag ku jira
silsiladda iyadoo u sheegaysa mid waliba halka uu seegay waxaanay ku
boorinaysaa in silsiladda aan kaftanka laga saarin waxaanay ku bilaabmaysaa sidan
Bismilaahi hadalkiyo
Hawshaad wadaaba
Heedhe lagu bilaabaa
Hoobeey carruurtaa
Hurdo loogu seexshaa
Hees loogu qaada
Hoogayduna haweenbaa
Halhayskooda ay tahay
Hadalkana ninkii wayn
Habbaa loogu sheegaa
Afartaas halkaas dhigay
Halkalena bal aan dayo
Ninka heelka sare iyo
Yaman hees kasoo diroow
Hanbalyaan ku leeyahay
Halkalena wuxu yahay
Hoygaanu naale
Nootaalo harartuna
Waa hilin barwaaqo
Waa hooy islaamoo
Hanbalyiyo ducaa taal
Afartaas halkaas dhigay
Hal kalena bal aan dayo
Ninba hilin u qaadaba
Maansadu ha weeyaan
Waa hoga tusaalayn
Habna way u socotaa
Hoyga ay ka duushee
Heensuhu u yaalin
Isaguna ma hawl yara
Ana heedhe maansada
Hida raac dirkediyo
Himilaan ku soo daray
Afartaas halkaas dhigay
Halkalena bal aan dayo
Rag hadduu hujuun galo
Hanfiguna uu leefoo
Hoobiyuhu dushiis maro
Dhinbiiluhu hor yaacaan
Fulay hambaska liitiyo
Halyeey meel ma wada galo
Afartaas halkaas dhigay
Halkalena bal aan dayo
Hal abuur aftahanoow
Adigaa hujuunkiyo
Maandhaw hugun bilaaboo
Geediga hakinayoo
In ay tahay hir beeniyo
Hal aan la gaadhayn
Hees noogu sheegee
Horta ani hal iga maqal
Bal inaad hanyare tahay
Saxiib hanfade tahay
Doobkan guud haldhaaleey
Wado halaq u marayee
Hor ilaahay caashaqu
Heensaha u saaree
Habeen dhexe alaylkii
Aar
u soo hujuumee
Idil habar dugaaguna
Weerar soo humeenee
Haddateeliyeene
Misna hawilihiisiyo
Hadafkiis u sheegee
Hanbalyiyo salaan iyo
Duco ay ku hoobsheen
Miyaad himaladiisiyo
Hawlihiisa kalatuur
Hugun iyo hure iyo
Hebello aad usoo tidhi
Afartaas halkaas dhigay
Halkalena bal aan dayo
Adiguna hilqaadloow
Halbaa iga suaalehe
Hoobalkaad ku heestee
Inantii u hoysee
U hibaysay saxiib
Ee heere iyo balihadhac
Hawd sare ku mehershee
Hoyga uga yagleele
Hadhuub kula wadaagtee
Heemaalna ugu tagay
Misna haatuf kuu yimi
Hanbalyada ugu dhiibtee
U hanaysay gabadhii
Bal muxu halyeey nuur
Haynta uu ku dhaama
Isagaaba hanadkani
Murti hodan ka joogo
Horwayn geel u tahayoo
Midkastoo hammuun iyo
Gaajiyo haraad qaba
Haneedka bidixbuu
Hadhuub kala galaayoo
Hirqada dabeetana
Afartaas halkaas dhigay
Halkalena bal aan dayo
Hadar doobka keenow
Adna heedhe saxiib
Nin dhamooy hadiisi
Halkaas qudha ku xidhantahay
Kugumay haboonayn
Inaad hadar ku sheegtoo
Mandhow hankiisi
Haadaan ka tuurtee
Waa maxay hawaawigu
Hogseeg weeye ee garo
Afartaas halkaas dhigay
Halkalena bal aan dayo
Adna hebel jimcaalow
Hortii waad ka fiicnayd
Halse waanan kula qabin
Inay hawshu durugtoo
Weerar iyo hujuun dhaco
Dadna ay halaagmaan
Hooyooyin waayaan
Hanadaday barbarsheen
Hakibaanse odhan laa
Halka ugu dan baysana
Waxaan heesta kaga baxay
Heelkiyo golaha furan
Kaftan baa hagaayo
Hasaawe weyee
Aan ka dhawrno hadimada
No comments:
Post a Comment