Gorgoradii togdheer beri ahaa gaabshe orodkiiye

Hadday waa Garmaamayn jireen gabe itaalkiiye

Sida oday gadhoosaa haddeer goste tukubaaye

Gees bay u wada liicayaan gabanadeeniye

Tartankii la galay waakuwa taagan gagidiiye

Guushiina may hanaan tiil goobta lagu dheelo

Waxa ganacjabka ugu wacan waa garaad xumo

Iyo garashadaas liidatiyo maanka gawracane

Ninkii ganaya iyo waa ogyahay kii galaday aare

Guunyaduna way kala taqaan aadmi gadihiiye

Fiintana gugaa soo curtaa galiya dhiiloowe

Abeesaduna waxay geed u kori jilaal guradiisa

Garaad farayabay leedihiyo garasho sii dheere

Shiniduba waxay guud ahaan wadar ku soo goyso

Ee ay geedad kala jaadihiyo ubax u guud fuusho

Midna gaar isuma siiso iyo gooniday tahaye

Gadu yahay aboorbaa dundumo giija oo xidha’e

Gacmo wada jiraa lagu hanta guusha abidkeede

Go’e taladu way kaa xuntahay goortan maanta ahe

Gagi boodhlehbaad yuururtaa waanad garanayne

Ceebta gurada kuu taalabaan kaa go’ayn abide

Goonyaha dalkaa laga ogayahay gabiga Soomaale

 Lixdankii halkii laga gurtaad dib ugu guurteene

Geediga ninkaa kuu raraa geeyey ciirsi la’e

Gabaahiira waa kaa ku furay iyo guricas boodh weyn.

 H.A: Ahmed Abdillahi